回想、記錄kah鼓勵

基金會30歲徵文

李江却台語文教基金會1997年1--月完成登記，到今年年底就beh滿30歲--ah。

1997年基金會接手《台文通訊》月刊台灣發行kah《台文BONG報》月刊編輯兼發行。2012年接手《台文通訊》kah《台文BONG報》合刊做《台文通訊BONG報》月刊ê編輯兼發行業務，到tann 388期。

     30年來ê跤跡…

●        深耕台語文學：編輯發行台語文月刊，辦「阿却賞」獎勵台語創作hām研究、
辦讀冊會kah研習，出版6本《詩行》／阿却賞作品集／8本繪本／小說集 。

 

●        釘根文化教育：辦221世界母語日活動、26場「基北北桃台語家庭意識培力
講座」、7場台語繪本故事劇場、跨世代詩人讀詩會、「Ē-liàn-tńg台語讀寫／台語生活基礎班」課程，協助影戲提升台語品質、《大濛》電影包場4廳。
 

●        引tshuā時代對話：製作民視台灣學堂「講台語當著時」kah「台語講世事」節目倚200集 ，辦126場「台語sa攏有」講座、18場「轉型正義kap不
當黨產」台語講座，促進各行各業用台語來講萬事萬項。

 

●        融入數位世界：辦「夜婆失眠——台語輸入法研習」、「有影講台語／百字寫
台文」等短片／短文徵選，提供大量文本參與台語語料庫計畫 ，提升台語tī數
位時代ê競爭力。

 

●        爭取語言人權：Kah其他有志共同催生《國家語言發展法》kah公視台語台、
kā監察院陳情糾正違法ê「獨尊華語政策」、遊說鼓舞中央kah地方政府成立
台語專責單位。

 

一路感謝濟濟有志來參與、助贊，有逐家ê支持tsiah有30歲ê基金會。邀請逐家來寫你對基金會ê記憶kah感想，tuì 200字到2,000字lóng歡迎。投稿請寄：bongpo1996@gmail.com　註明「基金會30歲徵文」
主辦：李江却台語文教基金會　台文通訊BONG報