臺灣文學作家連署聲明台文版

（2025/3/20）

洪明道、賴昭男

今年2--月，中國國民黨kah民眾黨ê委員烏白刣預算，阻擋國防、文化等等ê國家政策。作家楊双子發起「臺灣文學作家連署聲明」，一方面表達不滿，一方面來kā罷免團體ōo-iàn。拄開始，「連署聲明」是一个招一个leh進行，招滿200个人就先公開。頭一改連署時間khah趕緊，tsiânn濟作家想beh加入suah無tuè--著。

4--月，罷免來到第二階段，「臺灣文學作家連署聲明」又koh開放串聯。Tsit改是公開連署，「連署聲明」增加台語文、客語文ê版本，ǹg望khah濟本土語文ê創作者tàu sio-thīn。

下底是「連署聲明」ê台文版。

※　※　※

「『2025主張罷免不適任立委，是我們的義務』臺灣文學作家連署聲明」原底tī今年（2025年）2月初10公告了後，發起小組就隨宣佈解散，無koh募集連署名單。M̄-koh，落尾接著bē少作家表示，願意加入連署，促成發起小組成員討論，是m̄是有可能koh開放連署。

Tng當全臺灣各地公民團體發起ê大罷免運動進入「第二階段罷免連署」，發起小組決議koh再開放「臺灣文學作家連署聲明」添表，ǹg望透過網路串聯，提醒各地公民，定著ài冗早簽第二階段罷免連署書，用實際行動，徛出來向無適任ê立法委員表達反對。

不而過，發起小組跤手有限，添表kan-na開放短短十thóng日，也就是2025年3月20至2025年3月30 ê 23:59。連署名單募集結束了，另日阮ē召開記者會，報告suà--落-去ê消息。

「臺灣文學作家連署聲明」koh再開放串聯，阮beh申明以下三點：

一、對臺灣文學有補所ê書寫者，就是臺灣文學作家

無分體裁，不管類型，阮認為mài受著創作、翻譯、評論ê束縛，凡若對臺灣文學ê內在世界有補所，而且認同家己是臺灣文學一份子ê書寫者，就是臺灣文學作家。

二、連署行動是主動顯明，無參加連署無代表立場對反

阮認為人有無出來huah聲ê自由kah權力，mā知影tsiânn濟立場sio仝ê人，有連署以外ê方法kah計策。希望有志mài分名單內外，mài揣人諍喙，希望lán ē-tàng行做伙，獻做lán終極關懷ê路用。

三、現此時是臺灣文學史ê一个歷史時刻

臺灣現代文學tsiânn uànn tsiah興起，經過日本殖民統治kah中華民國全境戒嚴，用「臺灣文學作家」ê名號發起連署聲明，是百年來m̄ bat看ê代誌。本連署聲明是一个明確ê象徵，表示臺灣文學作家對國家主體認同ê共識。

以上。

阮是「臺灣文學作家連署聲明」發起小組成員，tī tsit个歷史時刻ê坎站，邀請各位臺灣文學作家加入lán ê聲明行動。

※　※　※

「連署聲明」開放了後，隨有tsiânn濟作家參加，落尾lóng總有1,043位作家。Tsin內底，台語作家占52个。有詩人、散文家、小說家，mā有翻譯者、繪本、囡仔冊ê作家，koh有寫台語歌ê作詞家武雄。長期tī海外寫作ê前輩，像陳雷、胡民祥，mā有出來贊聲。Tsit改「連署聲明」，ē-tàng看著各文類台語創作ê成果，mā有bē少少年輩leh寫台語文。總--是，台語人口ê比例ke khah kuân，lán iáu-koh ài繼續拍拚。

阿旻（曾偉旻）（媒體人、作家，《阿旻教你煮》）

Achiak 廖張皭（台文工作者，《我聽著花開的聲》）

阿尼默（插畫工作者，《情批》）

洪明道（小說家，《等路》）

洪婉如（台語詩人，〈生活酸甘甜〉）

武雄（作詞人，〈亮點〉）

Chhang Ngâ-yì／Tēⁿ Ngá-î（作者，〈Sṳ́ hiong Akau Phìn-yòng ke Fó-chhâ〉）

大郎頭（作家，《台語原來是這樣》）

楊允言（作家，譯作《鬼仔馬車Kúi-á-bé-chhia》）

康原（作家，《浮動》台語詩）

許忠和（台文作家，《掖種·傳承·台灣寶——台語說唱藝術答喙鼓的創作與推廣》）

紀品志（語文工作者，譯作《福摩思探偵案精選》）

高嘉徽（作家，《台文短篇小說集-虛華ê世界》）

柯柏榮（作家，《記持開始食餌》）

劉盈成（譯者，譯作《都柏林人》）

劉靜娟（作家，《落西北雨的下晡》）

呂美親（詩人，《落雨彼日》）

李鈺凰（台文BL作家，《相片款的紺色時際》）

李勤岸（學者、作家，《是非有芳臭》）

李瓜（詩人，《山頂的厝》）

李淑貞（台語詩人、作家，《天光—影-影》）

李宛澍（繪本創作者，《共汝攬牢牢》）

林美麗（作家、小說家，《八卦紅之心》）

林益彰 （大南國）（台語作家，《南國囡仔》）

林秀珍（學者、繪本作家，《丁窈窕樹：樹á跤ê自由夢》）

林智美（心理學者、編譯者，編譯《花開時節——四語文新版》）

Lîm Tong-îng（林東榮）（譯者，譯作《羅生門：芥川龍之介短篇小說選I》）

賴瀅伊（譯者，譯作《春光閘袂離：楊逵經典台文有聲讀本》）

吳嘉芬（台語文字工作者，《火種》）

黃鈺婷（小鴨）（台語詩人，《織采》）

王昭華（作家，《我隨意你盡量》）

胡民祥（台語文學作家，《茉里鄉紀事》）

胡長松（作家，《槍聲》）

禾日香（繪者，《台語原來是這樣》）

謝碧修（詩人，《唸予阿母聽的詩》）

小城綾子（作家，《月落胭脂巷》）

陳這 Tân Che（寫作者，《鳥語士亂彈／見乃將士馬》）

陳玉珠（兒童文學作家、台文小說家，《228小水牛》）

陳豐惠（編輯、台文寫作者，《台文通訊BONG報》總編輯）

陳胤（詩人，《月光》）

陳亮（詩人，《茫霧中ê火車》）

陳龍廷（小說家、學者，〈疏開〉、〈鬼蝶仔〉）

Tân Lûi 陳雷（作家，《鄉史補記》）

陳秀枝（袖子）（作家，《轉斡拄著詩》）

陳芊榕（作家，《神奇漢藥房》）

Tân Tshóo-hûn（翻譯、劇場人，譯作《樹仔凡勢猶會記》）

鄭順聰（作家，《台語好日子》）

張偉萍（作家，《媽祖，你beh蹛佗位？》）

杜信龍（作家，《放毒》）

曾美滿（作家，《你佇風中行來》）

石牧民（台語文文學工作者，《台語解放記事：寫給台灣人的華語腦翻轉指南》）

秋芬（台語故事人，〈向光飛去〉）

編註：Tsit份名單照名姓ê台語羅馬字排順序。羅馬字照作家連署ê時提供--ê或者是bat公開用--過--ê為主，若連署ê時無提供iah一時揣無公開用--過ê羅馬字名thang參考，就照《教育部臺灣台語常用詞辭典》附錄ê名姓唸法查詢為主。若排了無sù-sī，請諒情。