李江却台語文教基金會針對9/27立法院通譯事件聲明（Hak-fa 客語版）

 

【落實國家語言發展法，支持專業同步通譯制度化】

訴求：即時通譯係專業，專業愛制度化。

1. 國會、政府機關、官員愛守法。
2. 強調「同步」，毋單淨係即時，係「同步」，毋會像國防部長講个，委員花費兩倍時間質詢。
3. 立法院開會該時，行政部門通譯人員愛係即時通譯，做毋得事後段落總結。
4. 分國家語言通譯證照、標準制度化。

● 背景

國家語言係代表臺灣各族群權利个盡重要个因素，用國家語言質詢，代表對這隻土地、歷史，摎此語言選民負責。

當歡喜看著立法院自從這隻會期開始提供通譯服務，今這下，立法院有即時通譯个服務，真正實現尊重多元族群語言。

● 緣故

9/27 立法院陳柏惟立委早先申請通譯服務，通譯服務係透過翻譯人員即時通譯，照講話者語言，兩下半分華語翻譯出來，現場有耳機設備做得收聽，正好溝通。陳立委用台語質詢國防部邱部長。國防部長嗄毋用專業即時通譯，係喊常務次長在旁邊翻譯。陳立委質詢假使較複雜个，質詢內容超過30秒，次長就無法度全部內容翻譯，只好主觀做結論，分陳立委摎邱部長發生誤會。

9/27 完整立法院議事轉播：https://ivod.ly.gov.tw/Play/Clip/300K/131722

●爭議發生因素

1.陳立委事早先有請即時通譯。
2.國防部長上質詢台，無戴即時通譯耳機，嗄喊常務次長在旁邊段落翻譯。
3.次長無專業通譯設備，故所無法度逐句通譯。
4.次長翻毋著，造成誤會。（錄影時間09:57:25）

●現場爭議處理

1.主席講，立法院有提供即時通譯的耳機。（錄影時間09:57:33）
2.主席講，無法度強制要求全部人用即時通譯。（錄影時間09:57:42）
3.主席講，假使行政部門通譯人員翻譯錯誤，責任不明。（時間 10:01:54）
4.主席講，假使立法院專業即時通譯人員翻毋著，照契約負責任。（時間 10:02:00）

●解決方案

因為這兜客觀因素，立法院議事愛用專業即時通譯人員翻譯，責任分明。

1. 用專業即時通譯，做毋得段落總結。
2. 國家語言即時通譯制度化，立法院用專業人士，分大家尊重專業人士，刺激國家語言產業。

●包尾

感謝陳柏惟立委9/27在立法院用國家語言質詢，分大家理解即時通譯个專業摎價值，明白未來多語友善這條路愛仰般調整。感謝立法院，提供通譯，煞猛帶頭，落實國家語言發展法个重要一步。

分國防部長知，語言毋單淨做溝通工具，乜係𠊎兜認同國家語言，表達臺灣人文化摎意識个方式。

感謝 #意傳科技 協助文案文字內容

#立法院 #通譯事件 #專業即時通譯制度化 #陳柏惟 #國家語言發展法 #李江却台語文教基金會

------歡迎捐款贊助------ 歡迎捐款贊助　#李江却台語文教基金會　（捐款可抵稅，匯款後請通知02-23112199） 線上捐款(定期定額) https://donate.newebpay.com/Period/akhioh/lkk 線上捐款(單筆) https://donate.newebpay.com/akhioh/lkk 郵政劃撥：19021486 戶名：財團法人李江却台語文教基金會 電匯：123-20-050514-2 華南銀行士林分行活儲 戶名：財團法人李江却台語文教基金會