2016年8月16日 星期二

《臺江臺語文學》第二十期專題徵稿啟事 主題:臺語歌ê 文學趣味


第20 期:2016年9月20 截稿。

Lóng 講臺語流行歌ê 歷史,是uì 1930 年代起磅--ê。Koh 講1950-60 年代是戰後臺語歌ê「黃金時代」,bē輸he 是lán 臺語文化走消無-- 去ê 過往,ah-sī iáu-buē來、永遠bē 來,lán 永世代行bē kàu hia ê ──未來!無tiānn,tse tō 是文化學講ê「鄉愁」,nostagia !Nostagia,文化研究tiānn-tio̍h bē kā 文化鄉愁當做中性、「理所當然」ê(natural)現象看。Kah nā 是文化研究,的確跨學科--ê(interdisciplinary),是講跨學科m̄是本專題ê 目的,極ke 是手段。歡迎ta̍k-ê uì 無kâng ê學科視野,回應本專題ê 訴求:臺語歌ê 文學趣味。臺語歌,tàu-té án 怎「文學」--ê ?詩kap 歌亂bē suahê 爭論,你beh khiā toh 1 pîng ?

臺語歌研究tsiânn-tsò 現時tng 紅ê 文化鄉愁,一款觀點,mā 是「現象」。現象後pîng 社會、文化基礎ê 研究,是學院hōo lán ē ǹg--ê,本刊訴求「科普」,無強求。臺語學者起kha 手研究臺語歌tsìn 前,華語界ê 研究tō 做kah pìn-piàng 叫--ah。臺語文運動發展--出- 來「正書法」視野,ǹg-bāng 有thang 出來tshiâu一下á 華語學者ê 觀點。



Tsit 期專題ê 理想:

1. 臺語流行歌研究ê 歷史回顧,ē-sái lia̍h 研究者做點,kā gún 牽1 條á 線、鋪一片á 面出-- 來。

2. 文學創作kap 臺語歌ê 關係,無論he 文學創作,臺語--ê,ah-sī 華語--ê。3. 臺語文學史有「歌詩」vs.「詩歌」ê 視野,歡迎做經驗性歸納kap 理論性pué-huē。4. 臺語歌文學性ê 一般的、普遍性論述。

本專題定義ê「臺語歌」是開放--ê,無限tī「流行歌」,ta̍k-ê mā ē-sái 紹介教會ê 聖詩傳統kap「讚美歌」創作,ah-sī 針對當代作家、作曲者合作ê「詩譜曲」經驗做論述,自述、他述lóng 好。歡迎投稿!

第20 期:2016 年11 月初5 出版、11 月15 上市;9月20 截稿。



雜誌內容
本雜誌屬臺語文學刊物,便若屬臺語文學作品,無論詩、散文、戲劇(上濟 5000 字)、小說(上濟 10000 字)、七字仔(有故事性 ê 歌謠)、囡仔歌詩 kap 文學賞析、文學評論(上濟 5000 字)
等,攏歡迎投稿,投稿請盡量附作者生活相片、無版權問題ê相關圖片kap 簡要ê 圖片說明文字。


書寫文字
以臺語文書寫為主;會得接受少數 ê 文學評論稿以華文書寫。
使用臺語文字 ê 原則:參照臺南市文學獎臺語組徵文 ê 原則,接受全漢字、漢羅濫寫 kap 全羅馬字ê 方式,漢字使用教育部推薦常用漢字(包含異用字)為主,羅馬字採用教育部「臺羅」方案。來稿部份無適當 ê 漢字,本刊有刪改權。


投稿方式

內容包含 word 檔案一份 kap pdf 檔案一份,嘛請填寫作者資料表:姓名、單位、職稱、電話、身份證字號、郵局抑是銀行口座、e-mail、通訊地址 kap 50 字以內 ê 作者簡介,以 e-mail 傳到taikangtaigi@gmail.com,主旨註明「投稿臺江臺語文學」。
若無接著本刊「有收著」ê 回應,請閣來批確認。
來稿一律無退還;請毋通一稿兩投。


來稿若有刊登,會有稿費 kap 彼期季刊兩本。
(註:國外匯款手續繁複koh 雙爿手續費真傷重,投稿者若無臺灣國內銀行iah 郵局口座,就無稿費;請包涵kap 體諒。)

沒有留言:

張貼留言

注意:只有此網誌的成員可以留言。

台文通訊BONG報

台文通訊BONG報 https://tsbp.tgb.org.tw