2015年11月13日 星期五

《臺江臺語文學》 第十七期專題徵稿啟事 主題: 歌仔冊--裡的文學趣味



「歌仔」是1種台灣民間說唱藝術,是m̄-bat字的民間藝人用臺語直接創作、表演,「歌仔冊」是in「唸歌」表演的書面文本。上起初是手抄本,後--來才出現印刷本tī市面上流傳。內容包羅萬象,真豐富,有愛情故事、歷史故事、社會新聞故事kap世俗勸世歌,會使講是「用語言形式記錄的臺灣文化百科全書」,就文學領域來講,是臺灣口傳文學kap書面語文學的交集。這期咱就專題來探訪歌仔冊--裡的文學趣味,包括兩性書寫、歷史書寫、自然書寫、社會書寫、民俗書寫以及其他相關的評述kap分析,mā歡迎現代新創作的歌仔冊作品。
第十七期是2016年2月初5出版,2月15上市,2015年12月20截稿。

本雜誌屬臺語文學刊物,便若屬臺語文學作品,無論詩、散文、戲劇(上濟 5000 字)、小說(上濟 10000 字)、七字仔(有故事性 ê 歌謠)、囡仔歌詩 kap 文學賞析、文學評論(上濟 5000 字)等,攏歡迎投稿,投稿請盡量附作者生活相片、無版權問題ê相關圖片kap 簡要ê 圖片說明文字。

內容包含 word 檔案一份 kap pdf 檔案一份,嘛請填寫作者資料表:姓名、單位、職稱、電話、e-mail、通訊地址 kap50 字以內 ê 作者簡介,以 e-mail 傳到taikangtaigi@gmail.com,主旨註明「投稿臺江臺語文學」。

沒有留言:

張貼留言

阿却賞台語繪本閱讀研習活動(20191012台中場)

10/12(拜六) 早起10:00-12:00 國立臺中教育大學台語系勤樸樓F201教室 ( 民生校區(校本部)台中市西區民生路140號) 協辦單位:「對囡仔講台語」FB社團、台中教育大學台灣語文學系 主持人: 陳豐惠 執行長 分享者: 夾腳拖...