《台文通訊BONG報》kap「女朋友。男朋友」電影互相廣告

7/26暗時，大部份tī高雄取景、描寫三个高雄囡仔倚三十冬故事ê電影「女朋友。男朋友」高雄首映會tī夢時代『喜滿客』影城放送，四位主要演員（倒爿算起）：鳳小岳、張孝全、桂綸鎂、張書豪kap導演楊雅喆tī後台展示第220期《台文通訊BONG報》冊皮；Tsit期封面是陳玉珠老師油畫作品「傳喜」，封底是「女朋友。男朋友」全頁廣告。

首映了後，導演楊雅喆kap男女主角張孝全kap桂綸鎂參電影ê台語指導陳豐惠（李江却台語文教基金會總幹事）做伙hip相做記念。這齣描寫追求「自由」ê電影8/3就beh tī全國各大戲院上片，請逐家來聽看這幾位少年人ê台語講了按怎。