公元1952年2月21，學生發起遊行，tī當時iáu屬巴基斯坦ê孟加拉，爭取孟加拉語ê語言權，結果suah hōo警察開銃刣--死；事後，國際社會kā tsia-ê學生號做「語文烈士」。聯合國教科文組織（UNESCO）為beh向全球宣傳保護語言資產ê重要性，促進母語傳播ê運動kap語言、文化多樣性ê價值，避免世界大部份語言消失，kā tsit个有意義ê日子，訂做「世界母語日」（International Mother Language Day）。
自聯合國教科文組織1999年訂每年2月21是「世界母語日」以來，母語復振、文化多元成做時行，mā成做全球主要國家ê共識。當保存語言多元性成做世界潮流ê時，台灣人kám iáu認為『語言只是溝通的工具』？根據聯合國教科文組織tī 2011年11--月發佈ê一份研究報告，tī 二十一世紀結束進前，全人類ē有超過一半ê語言死亡，台灣各族群語言，包括各原住民語、客語，甚至台語，lóng有可能tī數十年內消失。
沒有留言:
張貼留言
注意：只有此網誌的成員可以留言。