台語文學研究（論文）大學生組
林岱儀 簡介
我是中山醫學大學台灣語文學系二年ê林岱儀。我是轉學生，進前tī林口長庚科技大學護理系讀冊，後來考慮著未來職業ê方向kap興趣等等ê問題，決定轉學，詳細研究逐个學校ê課程了後，「中山醫學大學台灣語文學系」hō͘我感覺上有趣味，所以選擇本學校當做第一志願。tī本系學習ê時tsūn，得著真濟新ê智識，吸收台語聽、講、讀、寫ê能力，對台灣ê文化、文學、語文等等，mā有較濟了解。
國小到高中時期，參加真濟項校內演講比賽lóng有bē bái ê成績、tī學校辦活動ê時tsūn上台用英文演講，koh做畢業典禮ê學生代表等等，bē hip眾，加上kah意kā人tàu-saⁿ-kāng、愛kā人教ê特質，對「教學」有tsiok大ê興趣，所以就立志beh做教師。本身個性溫和、積極，真濟方面ê能力mā受著肯定，所以tiāⁿ-tiāⁿ擔任班級幹部，比論班長、副班長、學藝股長、風紀股長等等。
入去台灣語文學系了後，參與真濟文藝活動，包括兩擺「大甲媽遊行」、三年一擺ê「東港燒王船」，採訪並且採訪相關工作人員kap信徒，來了解tsia-ê活動對傳統民俗ê重要性kap意涵；另外有參加「大愛ê資源回收」，kap去「財團法人永耕老人養護中心」做關懷等等，發揮愛kā人tàu-saⁿ-kāng ê個性，希望ē用得為社會貢獻kap服務。
三年ê頂學期開始對台灣歌曲有真大ê趣味，課程ê老師tsiâⁿ熱情指導kap幫助，hō͘我寫ê「台灣歌曲發展史」課堂學習心得ē-tàng參加koh得著「鄭福田文教基金會100頂學期大專學生成績優異」獎學金。
四年ê時tsūn，真濟老師ê幫贊，hō͘我ē-tàng完成一篇論文，題目是〈解嚴後台語『勵志歌曲』研究（1987~2013年）〉。愈了解台灣母語，就愈希望家己未來ē-tàng繼續延續「台灣文化、文學、語文」，以後計畫做老師來傳播、傳承台灣母語ê願望！
留言
張貼留言