若講文化是日常生活的結晶，現代文學是市民生活的代言，應該無偌濟人會反對。臺灣是一个移民的社會，咱的生活事實包括民間宗教的儀式、民俗節慶的活動、婚喪喜慶的過程、傳統行業的現場……等等，遮的人情世事的實踐kap 事實tō 成做形成咱文化的元素，mā 是文學書寫取材的資料庫。因此，「世俗書寫」tō 成做現代寫實文學創作的基本工夫。
臺灣人告別古典詩詞，進入新文學創作以來，咱書寫的主題tō 真自然深入去生活世俗的細節，尤其用臺語抒情寫景，koh-khah 會當kā 臺灣人的喜怒哀樂kap 社會圖像，做有聲koh有影的立體呈現。
咱第十五期tō 用「世俗書寫」做專題，歡迎眾文友分享這方面的創作kap 相關主題的文學論評。
咱第十五期tō 用「世俗書寫」做專題，歡迎眾文友分享這方面的創作kap 相關主題的文學論評。
本雜誌屬臺語文學刊物，便若屬臺語文學作品，無論詩、散文、戲劇（上濟 5000 字）、小說（上濟 10000 字）、七字仔（有故事性 ê 歌謠）、囡仔歌詩 kap 文學賞析、文學評論（上濟 5000 字）等，攏歡迎投稿，投稿請盡量附作者生活相片、無版權問題ê相關圖片kap 簡要ê 圖片說明文字。
第十五期是 2015 年8 月初 5 出版，8 月 15 上市，6 月20 截稿。
內容包含 word 檔案一份 kap pdf 檔案一份，嘛請填寫作者資料表：姓名、單位、職稱、電話、e-mail、通訊地址 kap50 字以內 ê 作者簡介，以 e-mail 傳到taikangtaigi@gmail.com，主旨註明「投稿臺江臺語文學」。
沒有留言:
張貼留言
注意：只有此網誌的成員可以留言。