新眼光台語教學節目「做伙尬台語」5--月開播

收看管道：

1.中華電信MOD 203台5月份起逐工e晡一、三、五、七、九整點放送。

2.YouTube頻道 http://www.youtube.com/user/netv203?feature=watch。

3.新眼光網站 http://www.netv.org.tw/。

 
台灣基督長老教會大眾傳播基金會成立ê新眼光電視台為beh傳承母語特別製作「做伙尬台語」節目，針對八歲到十八歲ê囡仔kap青少年，用傳統白話字來教台語、講俗諺、臆謎猜、sńg造句，透過學習台語發揚在地文化。


新眼光特別邀請台語福音詩歌創作者鄭明堂老師kap tī YouTube製作『安達雙語教室』（用台語歌學英語等系列影片）吸引tsiūⁿ萬網友去看ê美少女『安達』共同主持，藉活潑趣味ê對話，希望thang幫贊青少年ia̍h bē-hiáu台語ê朋友學習台語。

「做伙尬台語」逐集雖bóng 短短三分鐘，新眼光堅持內容ê正確kap完備，邀請專業台語老師編審，包括前中山醫學大學台語系系主任張德麟教授、台中教育大學台語系方耀乾副教授kap李江却台語文教基金會總幹事陳豐惠老師等等lóng是顧問。