見證性命ê存在

走chhöe靈魂ê徛家

Teng Höng-tin (丁鳳珍)

台中教育大學台灣語文學系助理教授

清文ê小說beh出冊，我真榮幸會tàng來寫序，因為chit-ê 機緣，我koh kä 七篇小說提來斟酌欣賞。清文是筆名，伊是一位客氣koh 無愛出名ê人，我熟säi 伊chiâ°久才知影：原來伊tö是清文。伊本人是一個真好做夥、鬥陣ê中年女性，長期t„台文界做上基層koh chiâ° tãp滴ê行政事工。

讀清文ê小說h³我t„咖啡店內底愛不三時用文稿來chãh面，驚別人講我是痟--ê，因為小說ê世界會h³ 我怨嘆kah 吐大氣，h³我歡喜kah 笑hai-hai，h³ 我傷心目屎流，h³我憂頭結面，h³我想起性命中chiok chë人kap;往事，h³我chiâ° ˜甘願來離開咖啡店，為著清文ê小說iáu-bë讀完，精彩ê故事當leh搬演。我ê時間逐日攏真ân，愛上班koh著愛chhöa二個細漢囝，koh三十五beh四十ê年歲，體力加chiâ°無，beh kä甲意ê小說攏讀完，著愛分chiok chë 段才有法度，無時間讀ê我著一直leh想清文會按怎寫後尾ê發展。

清文ê小說˜-nä 拐走我ê心，koh h³我發現家己寫ê小說iáu是有chiok大ê學習空間，我ê小說無清文ê冷靜kap幼路，批判kap覺醒mä無清文ê強。

清文ê小說是徛t„新女性ê觀點，h³台灣ê女性會tàng自在發聲ê好作品，in h³女性t„台灣文學史內底充滿鬥志kap光彩。我ê碩士論文是研究日治時期台灣小說中ê 女性角色，hit時ê小說雖然對女性有真chë描寫，˜-koh絕大部分攏是徛t„男性ê角度來寫女性，雖罔有女性作家，˜-koh作品chiâ°少，篇幅mä短短--仔。清文ê小說攏總有九萬字以上，上短--ê 有三千九百字以上，上長--ê 有二萬六千字以上，無論是短篇iah是中篇，清文攏處理kah chiâ° súi氣，bë h³讀者感覺siu°凊采iah是àu戲拖棚。

女性若來讀清文ê小說，會tàng得著性命ê救贖，koh 會使看著台灣女性ê未來；男性若是來讀清文ê小說，tö會tàng 知bat台灣女性ê真面目，瞭解女性ê想法kap意志，mä會使看出過去台灣男性ê不足。

有人講：小說家是天生--ê，一流--ê去做作家；二流--ê 透過後天ê學院教育，勉強會tàng chiâ°做小說評論家。評論家永遠愛tòe t„小說家ê尾後，拜託小說家加生一寡作品h³ 伊thang評論。

講正港--ê，事實tö是按呢:清文是天生ê作家。拜託伊繼續寫，為chë-chë ê台灣女性留落性命ê見證，走chhöe靈魂ê徛家。