《臺江臺語文學》第十四期專題徵稿啟事，主題：自然書寫

 臺灣自古早tō是太平洋頂面一粒上蓋媠ê島嶼，是原住民ê樂園，移民者ê新天地。四季如春，鳥語花香，毋但kā臺灣人ê生活空間裝飾kah多彩多姿，提供文學作家豐富ê書寫題材，提來幻化做各種藝術意象，甚至家國想像。文學類型稱做「自然書寫」。

  臺灣人直接用植物名號地名，像「茄苳跤」，用「蕃薯」形容臺灣地圖模樣，用「水牛」譬喻認命勤做ê精神，用「海翁」來鼓勵台灣人勇敢行出悲情。臺語文社群、詩刊雜誌tō有真濟用「茄苳」、「蕃薯」、「海翁」等來號名--ê，thang看著臺灣人慣勢tī自然取材ê文學趣味，「自然書寫」mā是臺語文學作品ê大宗，咱第十四期tō用「自然書寫」做專題，歡迎眾文友分享這方面ê創作kap相關主題ê文學評論，投稿請盡量附無版權問題ê相關圖片kap簡要ê圖片說明文字。

  第十四期是 2015 年 5 月初 5 出版，5 月 15 上市，3月25截稿。

《臺江臺語文學》長期徵稿啟事

一、雜誌內容
本雜誌屬臺語文學刊物，便若屬臺語文學作品，無論詩、散文、戲劇（上濟 5000字）、小說（上濟 10000 字）、七字仔（有故事性 ê 歌謠）、囡仔歌詩 kap 文學賞析、文學評論（上濟 5000 字）等，攏歡迎投稿，投稿請盡量附相關圖片kap簡要ê圖片說明文字。

二、書寫文字
（一）以臺語文書寫為主；會得接受少數 ê 文學評論稿以華文書寫。
（二）使用臺語文字 ê 原則：
參照臺南市文學獎臺語組徵文 ê 原則，接受全漢字、漢羅濫寫 kap 全羅馬字ê 方式，漢字使用教育部推薦常用漢字（包含異用字）為主，羅馬字採用教育部「臺羅」方案。來稿部份無適當 ê 漢字，本刊有刪改權。

三、截稿 kap 出刊日期
第十四期是 2015 年 5 月初 5 出版，5 月 15 上市，3月25截稿。(2014/02/26更新截稿日期)

四、投稿方式
（一）內容包含 word 檔案一份 kap pdf 檔案一份，嘛請填寫作者資料表：姓名、單位、職稱、電話、e-mail、通訊地址 kap 50 字以內 ê 作者簡介，以 e-mail 傳到taikangtaigi@gmail.com，主旨註明「投稿臺江臺語文學」。
（二）若無接著本刊「有收著」ê 回應，請閣來批確認。
（三）來稿一律無退還；請毋通一稿兩投。

五、撰稿格式：
新細明體 12 號，A4 規格。

六、著作權事宜：
錄取 ê 稿件，作者保證無侵害他人著作權 kap 違背著作權法等現行各項法規 ê 行為；若有以上狀況，作者愛家己負擔法律責任並賠償機關損害。

七、來稿若有錄用刊登，會有稿費 kap 這期季刊兩本。