2015年1月30日 星期五

《臺江臺語文學》季刊第 13 期徵稿


一、雜誌內容

本雜誌屬臺語文學刊物,便若屬臺語文學作品,無論詩、散文、戲劇(上濟 5000字)、小說(上濟 10000 字)、七字仔(有故事性 ê 歌謠)、囡仔歌詩 kap 文學賞析、文學評論(上濟 5000 字)等,攏歡迎投稿。每一期攏有一个專題,13 期 ê專題是「永遠 ê 故鄉」,「故鄉」是文學創作真捷出現 ê 母題,無論是對地景、人事物 ê 具體描寫,iah 是 kā 故鄉當做意象來做抽象 ê 運用、詮釋,攏歡迎。

二、書寫文字

(一)以臺語文書寫為主;會得接受少數 ê 文學評論稿以華文書寫。

(二)使用臺語文字 ê 原則:

參照台南市文學獎台語組徵文 ê 原則,接受全漢字、漢羅濫寫 kap 全羅馬字ê 方式,漢字使用教育部推薦常用漢字為主,羅馬字採用教育部「台羅」方案。

來稿部份無適當 ê 漢字,本刊有刪改權。

三、截稿 kap 出刊日期

第 13 期是 2015 年 3 月初 5 出版,3 月 15 上市。這期作業時間真短,1 月 30 截稿,請諒情。

四、投稿方式

(一)內容包含 word 檔案一份 kap pdf 檔案一份,嘛請填寫作者資料表:姓名、單位、職稱、電話、e-mail、通訊地址 kap 50 字以內 ê 作者簡介,以 e-mail 傳到 taikangtaigi@gmail.com,主旨註明「投稿臺江臺語文學」。

(二)若無接著本刊「有收著」ê 回應,請閣來批確認。

(三)來稿一律無退還;請毋通一稿兩投。

五、撰稿格式:新細明體 12 號,A4 規格。

六、著作權事宜:錄取 ê 稿件,作者保證無侵害他人著作權 kap 違背著作權法等現行各項法規 ê 行為;若有以上狀況,作者愛家己負擔法律責任並賠償機關損害。

七、來稿若有錄用刊登,會有稿費 kap 這期季刊兩本。